Yuxarı

​KİV: "ABŞ və Avropa Kremli iflasdan xilas etməlidir"

Bazarda qara qızılın qiyməti nə qədər ki dəyişməz idi, Putin təqaüdləri artırmağa, Krımı maliyyələşdirməyə başladı

Bakı. 23 dekabr. REPORT.AZ/ "Berlin və Vaşinqton Kremli iflasdan xilas etməlidir, çünki bu, Qərbin xeyrinə olmaya bilər".

"Report" xəbər verir ki, bu haqda Almaniyada çıxan "Die Welt" qəzetində neftin ucuzlaşmasının Rusiya iqtisadiyyatına təsiri haqda dərc edilən məqalədə bildirilib.

Məqalədə yazılıb ki, "Brent" markalı neftin qiyməti son 7 ildə ən minimum qiymətə düşüb və düşməkdə davam edəcək.

"2005-ci ildə Rusiya prezidenti Vladimir Putin bilirdi ki, vəziyyət neftin qiymətindən asılıdır. Bir il öncə neftin bir bareli 100 dollara olanda Rusiya lideri Qərbə qürurla bildirdi ki, onun ölkəsində işlər qaydasındadır. Bazarda "qara qızıl"ın qiyməti nə qədər ki dəyişməz idi, o, təqaüdləri artırmağa, Krımı maliyyələşdirməyə və hərbi islahatlar keçirməyə başladı.

Hazırda Qərb Rusiyanın böhranla üzləşməsi üçün neftin qiymətinin düşməsini sevinclə qarşılamaqdansa, Berlin və Vaşinqton Kremli iflasdan xilas etməlidir", - deyə müəllif vurğulayıb.

Məqalədə bildirilib ki, terrorçuluğa və İranın nüvə proqramına qarşı mübarizə aparmaq üçün ABŞ və Avropa Moskvaya yardım etməlidir: "Güclü Rusiya zəifindən daha yaxşı tərəfkeşdir. Bu haqda Qərb dövlətlərinin düşünməsi vacibdir".

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi