Yuxarı

İstanbulda banka silahlı basqın olub, iki nəfər yaralanıb

İstanbulda banka silahlı basqın olub, iki nəfər yaralanıb
Soyğunçular hadisə yerindən qaça bilsələr də, sonradan getdikləri xəstəxanada tutulublar

Bakı. 31 mart. REPORT.AZ/ İstanbulun Pendik rayonunda bankı qarət etmək istəyənlərlə mühafizə xidməti əməkdaşları arasında atışma baş verib.

“Report” "Hürriyet"ə istinadən xəbər verir ki, atışma nəticəsində soyğunçular və mühafizə xidmətinin əməkdaşlarından biri yaralanıb.

Məlumata görə, günorta saatlarında biri qadın olmaqla iki nəfər banka basqın edib. Soyğunçular müştərilərdən birini girov götürüb. Bu zaman bankın mühafizə xidmətinin əməkdaşı atəş açaraq qarətçini ayağından vurub. Basqınçının açdığı atəş isə mühafizəçinin qarın boşluğuna dəyib. O, xəstəxanaya yerləşdirilib. Soyğunçular girovu buraxaraq hadisə yerindən qaça bilsələr də, sonradan müalicə olunmaq üçün getdikləri xəstəxanada tutulublar.

Hadisə ilə bağlı araşdırma aparılır. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Bu xəbər həm də başqa dillərdə mövcuddur:

Tərəfdaşların xəbərləri


Xəbər lenti

Son xəbərlər



Orphus sistemi