Yuxarı
    Bağlamaq

    İsrail prezidenti Gürcüstana rəsmi səfər edəcək

    Yəhudi dövlət başçısının Gürcüstan prezidenti Georgi Marqvelaşvili ilə təkbətək görüşü olacaq

    Bakı. 6 yanvar. REPORT.AZ/ İsrail prezidenti Reuven Rivlin yanvarın 9-10-da Gürcüstanda rəsmi səfərdə olacaq. 

    “Report” “Apsny”yə istinadən xəbər verir ki, bu haqda Gürcüstan prezidentinin mətbuat xidməti məlumat yayıb.

    İnformasiyaya əsasən, səfər zamanı dövlət başçısını xanımı Nehama Rivlin müşayiət edəcək. 

    Məlumata görə, yanvarın 9-da yəhudi dövlət başçısı Gürcüstan prezidenti Georgi Marqvelaşvili ilə əvvəlcə təkbətək, sonra isə geniş formatda görüş keçirəcək. Prezidentlər görüşün yekununa dair KİV-ə birgə bəyanat verəcəklər.

    Elə həmin gün R.Revlin Gürcüstanın baş naziri Georgi Kvirkvaşvili ilə görüşəcək. Daha sonra o, Gürcüstan parlamentinin sədri İrakli Kobaxidza ilə bir araya gələcək. 

    Xəbərdə bildirilib ki, yanvarın 10-da səfərin sonuncu günü isə İsrail prezidenti Gürcüstanın ərazi bütövlüyü uğrunda mübarizədə həlak olanların xatirəsinə ucaldılan abidənin önünə əklil qoyacaq. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi