İranda Rusiyanın "S-300" zenit-raket kompleksi sınaqdan keçirilib

Bakı. 4 mart. REPORT.AZ/ İran Silahlı Qüvvələri Rusiyanın "S-300" zenit-raket kompleksini uğurla sınaqdan keçirib.

"Report" İRNA-ya istinadən xəbər verir ki, sınaqlar İranın Hava Hücumundan Müdafiə qüvvələrinin "Dəmavənd" adlı təlimləri çərçivəsində baş tutub.

Təlim zamanı kompleksdən endirilən raket zərbələri şərti hədəfləri uğurla məhv edib.

Qeyd edək ki, 2015-ci ilin aprel ayında Rusiya prezidenti Vladimir Putinin İrana "S-300" kompleksinin təchizatı ilə bağlı embarqonu aradan qaldırmasından sonra zenit-raket kompleksləri İrana tərəfinə göndərilib və təchizat 2016-cı ilin oktyabr ayında başa çatıb.