İranda 130 avtomobil toqquşub, 1 uşaq ölüb, 59 nəfər yaralanıb

Bakı. 24 mart. REPORT.AZ/ İranın Məşhəd və Nişapur şəhərləri arasında olan sürətli yolda güclü duman 130 avtomobilin toqquşmasına səbəb olub.

"Report" xəbər verir ki, bu barədə "Tasnim" agentliyi məlumat yayıb.

IRINN telekanalının məlumatına görə, qəza nəticəsində 59 nəfər yaralanıb, 1 azyaşlı uşaq ölüb. Yolda çoxkilometrlik tıxac yaranıb.