Bakı. 31 yanvar. REPORT.AZ/ Bu il martın sonunda İran Prezidenti Həsən Ruhani Rusiyaya səfər edəcək.
“Report” RİA "Novosti”yə istinadən xəbər verir ki, bu barədə diplomatik mənbələrdən bildirilib.
“Bəli, səfərə hazırlıq gedir. Bu, martın sonunda gerçəkləşə bilər”, - deyə mənbə vurğulayıb.
Rusiya prezidentinin mətbuat katibi Dmitri Peskov da Kremlin belə bir görüşə hazırlaşdığını təsdiqləyib: “Yüksək səviyyədə görüşə hazırlıq gedir. Onun tarixi barədə sizə məlumat verəcəyik”.