Yuxarı

Gürcüstanın Milli Təhlükəsizlik Şurasına yeni rəhbər təyin olundu

​Gürcüstanın Milli Təhlükəsizlik Şurasına yeni rəhbər təyin olundu

50

Vaxtanq Qomelauri

Gürcüstanın daxili işlər naziri Vaxtanq Qomelauri ölkənin Milli Təhlükəsizlik Şurasına rəhbərlik edəcək.

“Report”un yerli bürosu xəbər verir ki, bu barədə ölkənin baş naziri Giorgi Qaxaria hökumətin iclasında bildirib.

Onun sözlərinə görə, Təhlükəsizlik Şurası effektiv fəaliyyət göstərməli olan olduqca vacib orqandır: “Cari vəziyyətdən irəli gələrək Təhlükəsizlik Şurasının yeni rəhbərini sizə təqdim edirəm. Bu, daxili işlər naziri Vaxtanq Qomelauridir”.

G.Qaxaria daxili işlər nazirini bu vəzifəyə təyinatı ilə bağlı təbrik edib.

Qeyd edək ki, bu vaxta qədər Milli Təhlükəsizlik Şurasının katibi Levan İzoria olub. O, ötən ay bu vəzifə ilə yanaşı Kəşfiyyat Xidmətinin rəhbərliyindən də istefa verib.  

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi