Yuxarı

Gürcüstan XİN rəhbəri istefa verib

Onunla birgə müavinləri də istefaya gediblər

Bakı. 5 noyabr. REPORT.AZ/ Gürcüstanın xarici işlər naziri Maya Pancikidze istefa verib.

"Report" "Qruziya-Onlayn"a istinadən xəbər verir ki, bu barədə M.Pancikidze xüsusi brifinqdə bəyan edib. 

Onunla birgə nazir müavinləri David Zalkaliani, Tamar Beruçaşvili və David Calaqaniya da istefaya gediblər.

Вundan başqa, Pancikidze "Gürcü arzusu" koalisiyasını tərk etdiyini də bildirib. 

Xatırladaq ki, dünən Gürcüstanın baş naziri müdafiə nazirini istefaya göndərib, o da, öz növbəsində, prokurorluğu Rusiyanın maraqları ilə hərəkət etməkdə və Müdafiə Nazirliyini dağıtmaq cəhdində ittiham edib. Bundan dərhal sonra Gürcüstanın Avropa və Avroatlantik inteqrasiya işləri üzrə dövlət naziri Aleksi Petriaşvili istefa ərizəsi verib.  

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi