Gürcüstan DİN etirazçıları parlamenti bloklamağı dayandırmağa çağırıb

Gürcüstanın Daxili İşlər Nazirliyi (DİN) aksiyaçıları parlamentin girişlərini bloklamağı dayandırmağa çağırıb.

"Report"un yerli bürosu xəbər verir ki, bu barədə qurumun yaydığı bəyanatda bildirilib.

Sənəddə qeyd olunub ki, parlamentin fəaliyyətinə müdaxilə qanunla qadağan edilib: "Aksiya təşkilatçıları və iştirakçılarını polisin qanuni tələblərini yerinə yetirməyə bir daha çağırırıq. Polis qanunla nəzərdə tutulan səlahiyyətləri çərçivəsində inzibati orqanların bloklanması cəhdlərinə istənilən halda müvafiq qaydada reaksiya verəcək".