Yuxarı
    Bağlamaq

    ​Gürcüstan-ABŞ hərbi təlimləri keçirilir

    Təlimdə ümumilikdə hər iki tərəfdən 600 hərbçi iştirak edəcək

    Bakı. 18 may. REPORT.AZ/ Gürcüstanın Vaziani hərbi hava bazasında "Layiqli tərəfdar" adı altında Gürcüstan-ABŞ hərbi təlimi keçirilir.

    "Report" Gürcüstan KİV-inə istinadən xəbər verir ki, bu haqda Gürcüstan Müdafiə Nazirliyinin mətbuat xidməti məlumat yayıb.

    Təlimdə Gürcüstan və ABŞ-ın 300 hərbçisi iştirak edir. Hərbi tədbirin gedişatını ABŞ-ın 173-cü desant briqadasının komandiri polkovnik Maykl Foster izləyib.

    Hərbi təlimə ABŞ-ın "Bredli" piyadalarının döyüş maşını və Gürcüstanın eyni funksiyalı "KSM-2" döyüş maşını cəlb edilib.

    Məlumatda bildirilib ki, Gürcüstanda ilk dəfədir "Layiqli tərəfdar" təlimi keçirilir. Təlimin keçirilməsində məqsəd yerli tağımı NATO-nun çevik qüvvələri ilə əməkdaşlığa hazırlamaqdır.

    Qeyd edək ki, bu tədbir mayın 24-də başa çatacaq. Təlimdə ümumilikdə hər iki tərəfdən 600 hərbçi iştirak edəcək. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi