Yuxarı

Ermənistanda Rusiya hərbi bazası hərbçilərinin iştirakı ilə kütləvi dava baş verib

Ermənistanda Rusiya hərbi bazası hərbçilərinin iştirakı ilə kütləvi dava baş verib
Nəticədə 26 yaşlı rusiyalı Yuri Nikolayev döyülərək kəllə-beyin travması alıb

Bakı. 11 sentyabr. REPORT.AZ/ Ermənistanda yerləşən 102 saylı Rusiya hərbi bazasının hərbçilərinin iştirakı ilə insident baş verib. 

Bu barədə "Report" "News.am"a istinadən xəbər verir.

Belə ki, Gümri şəhərinin Alabyan küçəsindəki binalardan birinin həyətində, təxminən, saat 23:30 radələrində bir qrup şəxs arasında toqquşma baş verib. Nəticədə bir nəfər xəsarət alıb, 3 nəfər hadisə yerindən qaçmağa müvəffəq olub.

Asayiş keşikçiləri zərərçəkən 26-yaşlı rusiyalı Yuri Nikolayevi Gümri Tibb Mərkəzinə çatdırıb. O, kəllə-beyin travması və orbita zədəsi alıb.

Polislər müəyyən ediblər ki, mübahisə Rusiya vətəndaşları olan 23 yaşlı Vladislav Krasovskiy, 22 yaşlı Viktor Yudin, 26 yaşlı Nursultan Qizatullayev və 26 yaşlı Yuri Nikolayevin arasında baş verib. 

N.Qizatullayev polisə Nikolayevin döyülməsini etiraf edib. Bütün adıçəkilən şəxslər Gümridə yerləşən 102 saylı Rusiya hərbi bazasının bölmələrinin komandirləridir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi