​Ərdoğan: "Su-24 təyyarəsini vuran pilotlar Gülənlə əlaqəli ola bilərlər"

Bakı. 21 iyul. REPORT.AZ/ 2015-ci ilin noyabrında Rusiyaya məxsus "Su-24" təyyarəsini vuran iki türk pilotunun hazırda ABŞ-da yaşayan və Ankara tərəfindən Türkiyədə çevriliş cəhdində ittiham olunan terror təşkilatının rəhbəri Fətullah Gülənin gizli təşkilatı ilə əlaqəli olma ehtimalı var.

"Report" xəbər verir ki, bunu Türkiyə prezidenti Rəcəb Tayyib Ərdoğan "Əl-Cəzirə" telekanalına müsahibəsində bildirib.

"Rusiya təyyarəsini vuran iki pilot çevriliş işi üzrə saxlanılıblar. Onlar Gülənin təşkilatı ilə əlaqəli ola bilərlər, lakin hazırda bizim əlimizdə sübut yoxdur, bunu məhkəmə müəyyən edəcək", — deyə o bildirib.