Yuxarı
    Bağlamaq

    Dağıstanda atışma olub, Xüsusi Təyinatlı Milis Dəstəsinin 3 əməkdaşı öldürülüb - YENİLƏNİB

    Dərbənddəki əməliyyat nəticəsində silahlıların Cənub qrupunun başçısı Həsən Abdullayev öldürülüb

    Bakı. 17 iyun. REPORT.AZ/ Dağıstanın Dərbənd və Süleyman-Stal rayonlarında təhlükəsizlik qüvvələri ilə silahlı qrup arasında baş verən atışma nəticəsində Rusiya Xüsusi Təyinatlı Milis Dəstəsinin ("OMON") 3 döyüşçüsü həlak olub.

    "Report" "İnterfaks"a istinadən xəbər verir ki, döyüşçülərdən biri Süleyman-Stal rayonunda, ikisi isə Dərbəndin Gəcux kəndində öldürülüb.
    İnformasiyaya əsasən, Dərbənddəki əməliyyat nəticəsində silahlıların "Cənub" qrupunun başçısı Həsən Abdullayev də zərərsizləşdirilib.

    *** 09:27

    Dağıstanın Dərbənd rayonunda Rusiyanın təhlükəsizlik qüvvələri ilə silahlılar arasında atışma olub.

    "Report" Rusiya KİV-inə istinadən xəbər verir ki, hadisə Dərbəndin Gəcux kəndində baş verib.

    Silahlıların sayı və hadisə haqda ətraflı məlumat yayılmayıb.

    Məlumatda bildirilib ki, Dağıstanın Süleyman-Stal rayonunda da antiterror əməliyyatı rejimi tətbiq edilib. Xəbərə əsasən, federal qüvvələrin əməkdaşları əməliyyat nəticəsində 4 silahlını öldürüblər.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi