Türkiyə və Rusiyanın XİN başçıları Suriyadakı vəziyyəti müzakirə ediblər

Türkiyənin xarici işlər naziri Mövlud Çavuşoğlu ilə Rusiyanın xarici işlər naziri Sergey Lavrov arasında telefon danışığı olub.

“Report” xəbər verir ki, məlumatı Türkiyə KİV-i yayıb.

Bildirilib ki, nazirlər Suriyanın şimal-şərqində Türkiyənin həyata keçirməyə hazırlaşdığı anti-terror əməliyyatını müzakirə ediblər.

Qeyd edək ki, oktyabrın 7-də S.Lavrov İraqın şimalında səfərdə olub, kürd yerli hökumətinin başçıları ilə Suriyadakı vəziyyəti müzakirə edib.