Yuxarı

Böyük qar uçqunları Qərbi Gürcüstanda ciddi fəsadlara səbəb olub

Bəzi yerlərdə nəqliyyatın hərəkəti praktiki olaraq iflic vəziyyətdədir

Bakı. 6 yanvar. REPORT.AZ/ Böyük qar uçqunları Gürcüstanın qərbində yerləşən Zuqdidi-Mestiya avtomagistralında hərəkəti iflic edib. "Report" xəbər verir ki, bu barədə Gürcüstan KİV-i məlumat yayıb.

Yol hərəkəti briqadaları və xilasedicilər qarın altında qalan insanları çətinliklə oradan çıxarıb. Bütün gecə boyu xilasetmə işləri aparılıb.

Məlumata görə, güclü qar yağışına görə, ölkənin digər magistral yollarında da nəqliyyatın hərəkəti çox çətinləşib. Bəzi yerlərdə isə ümumiyyətlə, nəqliyyatın hərəkəti praktiki olaraq mümkün deyil.

Qar yağışı davam etdiyindən Gürcüstanın qərbində qarın hündürlüyü artıq bir metrə çatıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi