Yuxarı

ABŞ "Belorusneft"ə tətbiq etdiyi sanksiyanı dayandırıb

Yasağın dayandırılmasına səbəb kimi şirkətin sanksiya tətbiq edilən sahələrlə məşğul olmaması göstərilib

Bakı. 10 mart. REPORT.AZ/ ABŞ Belarusun "Belorusneft" şirkətinə sankiyanın tətbiqinin dayandırılması haqda qərar qəbul edib.

"Report" BBC-yə istinadən xəbər verir ki, sənəd bu il fevralın 25-də qəbul olunub.

Məlumatda bildirilib ki, yasağın dayandırılmasına səbəb kimi şirkətin sanksiya tətbiq edilən sahələrlə məşğul olmaması göstərilib.

Xatırladaq ki, ABŞ 2011-ci ilin yazında "Belorusneft"ə "NaftIranIntertrade" şirkəti ilə İranın "Cofeir" neft yatağında birgə fəaliyyətinə görə sanksiya tətbiq etmişdi. İranın bu şirkəti isə 2010-cu ildə ABŞ-ın sanksiyasına məruz qalıb. Buna səbəb kimi isə İranın nüvə proqramının gerçəkləşdirilməsində şirkətin iştirakı göstərilib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi