Yuxarı
    Bağlamaq

    Astanada Xəzəryanı ölkələrin XİN başçılarının müşavirəsi keçiriləcək

    Mariya Zaxarova: Beş Xəzəryanı dövlətin əməkdaşlıq məsələləri müzakirə olunacaq

    Bakı. 7 iyul. REPORT.AZ/ Astanada iyulun 12-13-də Xəzəryanı ölkələrin xarici işlər nazirlərinin müşavirəsi keçiriləcək.

    "Report" xəbər verir ki, bu barədə Rusiya Xarici İşlər Nazirliyinin sözçüsü Mariya Zaxarova keçirdiyi brifinqdə məlumat verib.

    Onun sözlərinə görə, bu formatda görüş altıncı dəfə keçiriləcək. Müşavirə zamanı Xəzər dənizinin hüquqi statusu, beş Xəzəryanı dövlətin əməkdaşlıq məsələləri müzakirə olunacaq.

    "Həmçinin beş Xəzəryanı dövlətin prezidentlərinin daha əvvəl qəbul etdiyi qərarların necə həyata keçirilməsinə dair yekun olacaq, eləcə də gələcək işlərin planı müəyyənləşdiriləcək. Rusiyada Xəzəryanı ölkələrlə etibarlı münasibətlər yüksək qiymətləndirilir", - deyə M.Zaxarova bildirib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi