Bakı. 26 noyabr. REPORT.AZ/ "Mən Türkiyəyə inanıram. Rusiya təyyarəsinin Türkiyənin hava sərhədini pozması texnologiya vasitəsi ilə təsdiqlənəcək".
"Report" "Turkishny"ə istinadən xəbər verir ki, bunu ABŞ-ın Florida ştatının keçmiş qurbernatoru, Respublikaçılar Partiyasından ölkə prezidentliyinə namizədliyə iddiaçı Jeb Buş Rusiya döyüş təyyarəsinin Türkiyənin sərhədini pozduğu üçün vurulmasına münasibət bildirərkən deyib.
O qeyd edib ki, beynəlxaq ictimaiyyət İŞİD-ə qarşı savaşda uğura və Suriyada rejim dəyişikliyinə nail olsa, bunda NATO üzvü kimi Türkiyənin də rolu olacaq: "Odur ki, Türkiyə müttəfiqimiz olmalı və ona dəstək verməliyik. Prezident Barak Obamanın "hər ölkənin özünü qoruma haqqı var" fikri doğrudur. Biz İŞİD-ə qarşı mübarizə sahəsində Rusiya ilə də müttəfiq ola bilərik, ancaq bundan öncə Moskva İran və Əsədlə müttəfiqliyindən əl çəkməlidir".