Yuxarı

​ABŞ Gürcüstana 200 əsgər göndərir

Onlar hərbi təlimdə iştirak edəcək

Bakı. 23 aprel. REPORT.AZ/ ABŞ-ın 200 əsgəri Gürcüstan da keçiriləcək "Yüksək səviyyəli tərəfdaş" ("Noble Partner") adlı hərbi təlimə qatılacaq.

"Report" Gürcüstan KİV-inə istinadən xəbər verir ki, bu haqda ABŞ-ın Gürcüstandakı səfirliyi məlumat yayıb. 

Xəbərə görə, hərbi təlim bu il mayın 11-dən 25-dək Gürcüstanın Vaziani hərbi bazasında keçiriləcək.

Təlimin keçirilməsində məqsəd NATO-nun çevik qüvvələrində gürcüstanlı və amerkalı hərbçilərin biri-birinə uyğunluğunu artırmaqdır.

Məlumatda bildirilib ki, NATO-nun çevik qüvvələri 2002-ci ildə yaradılıb: "Bu çoxmilli silahlı qüvvələr təcili olaraq vacib bölgələrə göndərilir. "Yüksək səviyyəli tərəfdaş" təlimləri üzərində iş 2013-cü ildən, Gürcüstan çevik qüvvələrə qoşulmağa hazır olduğunu bildirdiyi tarixdən başlayıb. ABŞ isə Gürcüstanın bu proqramda iştirakını maliyyələşdirir. Bu təlim ölkələrimiz arasında ikitərəfli hərbi əməkdaşlığın davamıdır ".

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi