Zelenski G7 liderlərinin onlayn sammitində iştirak edəcək

Ukrayna Prezidenti Volodimir Zelenski G7 ölkələrinin liderləri ilə bu gün keçiriləcək video sammitə qatılacaq.

“Report” “Kyodo News”a istinadən xəbər verir ki, bu barədə Yaponiya hökumətinin nümayəndəsi Hirokadzu Matsuno bildirib.

“Yaponiyanın Baş naziri Fumio Kişida sədr kimi G7 liderləri ilə onlayn danışıqlar aparmağı planlaşdırır. İclasın əvvəlində G7 liderlərindən başqa, Ukrayna Prezidenti də iştirak edəcək”, - o qeyd edib.

Onun sözlərinə görə, G7 ölkələri beynəlxalq ictimaiyyət üçün vacib olan məsələləri, xüsusilə Ukrayna, Yaxın Şərqdəki vəziyyəti, həmçinin süni intellektin inkişafı məsələlərini müzakirə etməyi planlaşdırır.