Zaporojye AES-in yerləşdiyi ərazidə partlayış olub

Ukraynanın Rusiyanın işğalı altında olan Zaporojye Atom Elektrik Stansiyasının (AES) yerləşdiyi ərazidə partlayış səsləri eşidilib.

“Report” “RBK Ukraina”ya istinadən xəbər verir ki, Atom Enerjisi üzrə Beynəlxalq Agentliyin (AEBA) ərazidəki müşahidəçiləri hadisəni qeydə alıblar.

AEBA-dan verilən məlumata görə, iyulun 26-27-də də AES-in yerləşdiyi ərazidə partlayış olub.

Qeyd edək ki, daha əvvəl Ukrayna Müdafiə Nazirliyinin Baş Kəşfiyyat İdarəsinin rəisi Kirilo Budanov obyektin minalandığını və Rusiyanın AES-i partlatmağa hazırlaşdığını bildirmişdi.