"Yuxarı Lars" keçid məntəqəsi yenidən bağlanıb

Gürcüstan-Rusiya sərhədindəki “Yuxarı Lars” keçid məntəqəsi irihəcmli yük maşınlarının keçidi üçün müvəqqəti olaraq bağlanıb.

“Report” Rusiya KİV-nə istinadən xəbər verir ki, məlumatı Rusiya Federasiyasının Şimalı Osetiya Respublikasındakı Fövqəladə Hallar Baş İdarəsindən bildiriblər.

Məlumata görə, hava şəraitinin kəskin dəyişməsi yük avtomobillərinin keçidini mümkünsüz edib.

Qeyd edək ki, Gürcüstan Hərbi yolu (Cənubi Osetiyanın Yuxarı Lars kəndindən keçən eyniadlı nəzarət buraxılış məntəqəsi) Rusiyanı Gürcüstan və Ermənistanla birləşdirən yeganə quru yoludur.

Yol bir neçə gün əvvəl əlverişsiz hava şəraiti ilə əlaqədar bağlanmışdı. Ermənistanda bu, Rusiyanın İrəvana qarşı aksiyası kimi dəyərləndirilmişdi.