Yunanıstan Türkiyənin “İnterpol” xətti ilə axtarışa verdiyi Ali Yeşildağı ekstradisiya edir.
“Report” xəbər verir ki, bu barədə Türkiyə KİV-i məlumat yayıb.
Bildirilib ki, bu barədə Yunanıstanın ən yüksək inzibati məhkəməsi olan Dövlət Şurası qərar qəbul edib.
Qeyd edək ki, Ə.Yeşildağ 2023-cü ildə Yunanıstanda saxlanaraq sərhədi qanunsuz keçmək ittihamı ilə həbs olunmuşdu.
Türkiyə isə A.Yeşildağı 1986-cı ildə törətdiyi soyğun cinayətinə görə “İnterpol” xətti ilə axtarışa vermişdi.
Xatırladaq ki, bir müddət Türkiyənin hakim partiyası AKP-də təmsil olunan A.Yeşildağ daha sonra FETÖ-çülərlə yaxınlaşıb, gülənçilərə məxsus media resurslarında ölkə hakimiyyətinin əleyhinə çıxışlar edib.