Yunanıstan müdafiə naziri Türkiyəyə gedəcək

Yunanıstan müdafiə naziri Nikos Dendias Türkiyəyə səfər edəcək.

“Report” xəbər verir ki, bu barədə Türkiyənin milli müdafiə naziri Yaşar Gülər NTV-yə müsahibəsində deyib.

O bildirib ki, səfərin gələn ilin fevral-mart ayında olması planlaşdırılır.

Y. Gülər söyləyib ki, Türkiyə və Yunanıstan hərbi təlimləri davam etdirəcək.

Qeyd edək ki, bundan əvvəl Türkiyə Prezidenti Rəcəb Tayyib Ərdoğan Yunanıstana səfər etmişdi.