Yerevanda sürücülər etiraz yürüşü keçiriblər

Bakı. 22 dekabr. REPORT.AZ/ Yerevanda sükanı sağda yerləşən avtomobillərin qadağan olunmasına etiraz olaraq yürüş keçirilib.

“Report” Ermənistan KİV-inə istinadən xəbər verir ki, sükanı sağda yerləşən avtomobillərin sürücüləri maşınlarını ölkənin Nəqliyyat və İnformasiya Nazirliyinin binasının qarşısına sürüblər.

“Sağ sükan” təşəbbüs qrupunun üzvləri bildiriblər ki, belə avtomobillərin Ermənistana gətirlməsinə qadağanın tətbiq edilməsinin əsası yoxdur.

Hakimiyyət belə avtomobillərin yol-nəqliyyat hadisəsinin yaranmasına səbəb olduğunu açıqlayıb.