Yerevanda atışma olub, ölən və yaralanan var

Ermənistanın paytaxtı Yerevanın Nor Nork rayonunun Moldovakan küçəsində baş verən atışma nəticəsində bir nəfər ölüb, bir nəfər yaralanıb.

“Report” “Novosti Armeniya”ya istinadən xəbər verir ki, hadisə mayın 8-də səhər saatlarında qeydə alınıb.

Atışma yerindən avtomat və tapança güllələrinin gilizləri, əzilmiş vəziyyətdə “Mercedes S 500” markalı avtomobil aşkarlanıb.

Polis hadisənin səbəbini, ölən və yaralananın kimliyini araşdırır.