Xüsusi təyinatlılar Tbilisinin mərkəzində etirazçıları sıxışdırmağa başlayıb

Gürcüstanın xüsusi təyinatlıları su şırnaqlarından istifadə etməklə etirazçıları Tbilisinin mərkəzindəki Rustaveli prospektindən çıxarıblar.

“Report” bu barədə yerli KİV-ə istinadən xəbər verir.

Xüsusi təyinatlılar parlament binası qarşısındakı ərazidə etirazçıları dağıtdıqdan sonra təhlükəsizlik qüvvələri Rustaveli prospektində mövqe tutublar. Təxminən saat 03:30-da xüsusi təyinatlılar su şırnaqlarından istifadə edərək vətəndaşları Rustaveli prospektinin bütün ərazisindən sıxışdırıb çıxararaq irəliləməyə başlayıb. Etirazçılar “Rustaveli” metro stansiyasına doğru qaçmağa başlayıblar.