Volodimir Zelenski: "Biz sülhə hazırıq"

"Biz sülhə hazırıq".

"Report" "Röyters"ə istinadən xəbər verir ki, bunu Ukrayna Prezidenti Volodimir Zelenski Xersonda hərbçilər qarşısında çıxışında deyib.

Dövlət başçısı söyləyib ki, Ukrayna ordusu irəliləyir.

Prezident həmçinin NATO-ya və digər tərəfdaşlara Rusiya işğalına qarşı müharibədə göstərdikləri köməyə görə minnətdarlığını bildirib.

Avropa İttifaqının (Aİ) xarici siyasət və təhlükəsizlik məsələləri üzrə ali nümayəndəsi Jozep Borel Aİ Xarici İşlər Şurasının iclasından əvvəl jurnalistlərə açıqlamasında bildirib ki, Rusiya ilə danışıqlara nə vaxt başlayacağına rəsmi Kiyev özü qərar verməlidir.

O söyləyib ki, Ukrayna nə edəcəyini özü müəyyənləşdirməlidir: “Bizim vəzifəmiz onları dəstəkləməkdir”.