İranın vitse-prezidenti istefa verib

İranın vitse-prezidenti Məsud Mirkazemi istefa verib.

“Report” “Fars”a istinadən bildirir ki, bunu İran hökumətinin mətbuat katibi Əli Bahaduri Cahromi deyib.

Onun sözlərinə görə, M.Mirkazemi səhhətində yaranan problemlərə görə vəzifədən ayrılıb.

İran Prezidenti İbrahim Rəisi Nazirlər Kabinetinin aprelin 17-də keçirilən iclasında bildirib ki, ictimaiyyət və mətbuat M.Mirkazeminin işdən çıxmasını problem kimi dəyərləndirməməlidir: “Hökumət onun təcrübəsindən istifadə edəcək”.