Putin Si Cinpin ilə Yaxın Şərqdəki vəziyyəti müzakirə edib

Rusiya Prezidenti Vladimir Putin və Çin Xalq Respublikasının Sədri Si Cinpin arasında telefon danışığı zamanı Yaxın Şərqdəki vəziyyət müzakirə edilib.

"Report"un yerli KİV-lərə istinadən məlumatına görə, bu barədə Rusiya Prezidentinin köməkçisi Yuri Uşakov bildirib.

"Qarşılıqlı razılaşma əsasında Rusiya Prezidenti Vladimir Putin ilə Çin sədri Si Cinpin arasında telefon danışığı baş tutub. Söhbət konstruktiv xarakter daşıyıb və əsasən Yaxın Şərqdəki mövcud vəziyyətin müzakirəsinə həsr olunub", - o qeyd edib.

Y.Uşakovun sözlərinə görə, onlar iki ölkənin müvafiq qurumlarına və xidmətlərinə yaxın günlərdə sıx əlaqələr qurmaq və mümkün məlumatları mübadilə etmək üçün göstəriş verməyi razılaşdırıblar.