Ukraynanın Rusiya ilə sərhədi - FOTOREPORTAJ

Ukraynanın Xarkov vilayətinin Volçansk rayonu və kəndləri sərhədyanı ərazi olmaqla yanaşı, strateji nöqtə kimi də əhəmiyyət daşıyır. O səbəbdən şəhər və ətraf kəndləri uğrunda güclü hava döyüşləri gedir.

"Report"un Şərqi Avropa bürosu ərazidə olub və bölgədən fotoreportaj hazırlayıb.

Volçansk şəhər hərbi administrasiyasının rəhbəri Tamaz Qambaraşvili "Report"a bildirib ki, bu gün icmada vəziyyət son dərəcə ağırdır:

"Çünki sakinlər hər gün atılan mərmilərdən, artilleriya zərbələrindən əziyyət çəkir. Düşmən bütün infrastrukturu və sakinlərin şəxsi əmlakını məhv edən idarəolunan aviabombalardan fəal şəkildə istifadə edir. Sərhəd boyu bütün yaşayış məntəqələri dağıdılıb. Müharibədən əvvəl əhalinin sayı 36 minə çatan rayonda indi 10 min insan qalıb. Onlar şəhərdə yaşamağa davam edirlər”.