Ukraynanın Prezident Ofisi Rusiya ordusunun İlan adasından çıxmasına münasibət bildirib

Ukraynanın Prezident Ofisi Rusiya Silahlı Qüvvələrinin İlan adasını tərk etməsinə münasibət bildirib.

“Report” xəbər verir ki, bu barədə Ukraynanın Prezident Ofisinin müşaviri Mixaylo Podolyak tviter səhifəsində yazıb.

“Rusiya Müdafiə Nazirliyi İlan adasından çıxdıqlarını təsdiqləyib. Deməli, Moskvanın xoşməramlılıq göstərməsi üçün biz ona müntəzəm olaraq təzyiq göstərməliyik. Qısa desək, daha çox silah, daha tez sülh deməkdir”, - paylaşımda bildirilib.