Ukraynanın iqtisadiyyat nazirinə yeni müavin təyin edilib

Ukrayna Nazirlər Kabinetinin yanvarın 24-də keçirilən iclasında Aleksey Sobolevi iqtisadiyyat nazirinin müavini təyin edilib.

"Report" "RBC-Ukraina"ya istinadən xəbər verir ki, bu barədə Nazirlər Kabinetinin Ali Radadakı nümayəndəsi Taras Melnıçuk sosial şəbəkədəki səhifəsində məlumat verib.

"Aleksey Sobolev Ukrayna iqtisadiyyat nazirinin rəqəmsal inkişaf, rəqəmsal transformasiya və rəqəmsallaşma üzrə müavini təyin olunub", - o yazıb.

Xatırladaq ki, o, daha əvvəl “Prozorro.Sale” dövlət müəssisəsinin direktoru vəzifəsində çalışıb.