Ukraynada son sutkada İran istehsalı 21 ədəd “Şahid” zərərsizləşdirilib

Ötən sutka ərzində Rusiya ordusu 26 ədəd “Şahid” dronundan istifadə ediblər. Onlardan 21-i məhv edilib.

“Report” xəbər verir ki, bu barədə Ukrayna Silahlı Qüvvələrinin gündəlik xülasəsində qeyd olunub.

Bildirilib ki, quruda Ukrayna hərbçiləri qarşı tərəfin 55-dən çox hücumunu dəf edib.

Qeyd olunub ki, Baxmut istiqamətində Baxmut və Xromovo uğrunda ağır döyüşlər gedir.

Avdiivka istiqamətində Rusiya tərəfindən Avdiivka, Vodyanı və Pervomayski ərazilərində irəliləmək cəhdləri olub.

Maryinka istiqamətində Maryinka və Pobeda ərazilərində çoxsaylı hücumlar.

Şaxtyorsk istiqamətində Vuhledara tərəf həmlələr gerçəkləşdirilib.