Ukraynada müharibə başlayandan dağıdılan təhsil ocaqlarının sayı açıqlanıb

Fevralın 24-dən Rusiyanın Ukraynaya qarşı başlatdığı müharibədən bu günədək ölkədə 211 ali və orta təhsil müəssisəsinin binası məhv edilib.

"Report"un Şərqi Avropa bürosunun məlumatına görə, bu barədə Ukraynanın elm və təhsil naziri Serhiy Şkarlet məlumat verib.

Onun sözlərinə görə, müharibə başlayandan elan olunan ikihəftəlik tətil başa çatır və bu uzadılmayacaq: "Yeni nəslimiz üçün təhsilin davamiyyəti strateji məsələdir".