Ukrayna XİN başçısı: "Rusiyanın təcavüzünü dayandırmaq üçün hər kəs səy göstərməlidir"

“Mariupoldan mümkün olduğu qədər çox insan təxliyə etməyə çalışırıq. Hər gün təxliyələr həyata keçirilir”.

"Report" xəbər verir ki, bu fikirləri Ukraynanın xarici işlər naziri Dmitro Kuleba martın 17-də Lvov şəhərində türkiyəli həmkarı Mövlud Çavuşoğlu ilə keçirdiyi görüşdən sonra deyib.

“Amma Rusiya buna problem yaradır. Bu gün Mariupol dünyanın ən qorxulu yerlərindəndir. Rusiyanın təcavüzünü dayandırmaq üçün hər kəs səy göstərməlidir”, - o deyib.