Ukrayna XİN başçısı: "Rusiya enerji və qida böhranından silah kimi istifadə edir"

“Rusiya Prezidenti Vladimir Putin təkcə Ukraynaya qarşı deyil, bütün dünya ilə müharibə aparır. O, enerji və qida böhranından silah kimi istifadə edir”.

“Report” “RBK Ukraina”ya istinadən xəbər verir ki, bunu Ukraynanın xarici işlər Dmitro Kuleba deyib.

Nazir bildirib ki, bütün dünya Kremlin bu addıma müqavimət göstərməlidir: “Rusiya raketlərlə çata bilmədiyi dövlətlərə aclıq və soyuqluqla zərbə vurmaq istəyir. Lakin biz Moksvanın məqsədlərinə çatmasına imkan verməyəcəyik”.

D.Kuleba hesab edir ki, daha ciddi sanksiyalar, Ukraynaya bütün platformalarda dəstək Kremli zəiflədə bilər.