Ukrayna və BMT müharibədən sonra ölkənin bərpasına yardımın artırılmasına dair memorandum imzalayıb

Ukraynanın xarici işlər naziri Dmitro Kuleba və BMT İnkişaf Proqramının administratoru Axim Ştayner Ukraynanın müharibədən sonrakı bərpası ilə bağlı memorandum imzalayıblar.

“Report” xəbər verir ki, bu barədə Ukrayna diplomatiyasının başçısı tviterdə bildirib.

Onun sözlərinə görə, bu memorandum BMT-yə müharibədən sonrakı yenidənqurma layihələrində Ukraynaya yardım göstərmək üçün səylərini artırmağa imkan verəcək. XİN başçısı həmçinin savaş riskinin sığortası, minaların təmizlənməsi, enerji infrastrukturu, həmçinin kiçik və orta sahibkarlığa dəstəyi əhatə edəcək.