Ukrayna Təhlükəsizlik Şurası: “Rusiya yeni hücuma hazırlaşır”

“Rusiya fevralın 24-nə kimi Ukraynaya yeni hücuma hazırlaşır”.

“Report” UNIAN-a istinadən xəbər verir ki, bunu Ukraynanın Müdafiə və Təhlükəsizlik Şurasının sədri Oleksiy Danilov deyib.

O bildirib ki, Rusiya müharibənin ildönümünə qədər müəyyən nailiyyətlər əldə etməyə çalışacaq: “Rusiya cəbhənin müxtəlif istiqamətlərində uğurlar əldə etməyə səy göstərəcək. Onların əsas məqsədi Luqansk və Donetsk vilayətlərinin sərhədlərinə çıxmaqdır. Qarşı tərəf artıq bir həftədir ki, Zaporojye istiqamətində yeni qoşun toplayır”.

O.Danilovun sözlərinə görə, Rusiyanın müharibədə qalib gəlmək şansı sıfırdır: “Bunu düşmən özü də bilir”.

Xatırladaq ki, Rusiya-Ukrayna müharibəsi ötən il fevralın 24-də başlayıb.