Ərdoğan: "Ukrayna-Rusiya böhranında razılaşmaya çalışan tək ölkəyik"

"Biz yeganə ölkəyik ki, 2014-cü ildən indiyədək davam edən Ukrayna-Rusiya böhranını razılaşma yolu ilə həll etməyə çalışırıq. Bu gün biz hər iki tərəfin səmimiyyətinə və ədalətinə inandığı ölkəyik".

"Report" xəbər verir ki, bunu Türkiyə Prezidenti Rəcəb Tayyib Ərdoğan deyib.

Onun sözlərinə görə, Antalyada tərəflər arasında xarici işlər nazirləri səviyyəsində görüş keçirilib:

"Sabah danışıqlardan əvvəl nümayəndə heyətləri ilə qısa görüşümüz olacaq. Zelenski və Putinlə apardığımız telefon danışıqları məhsuldar keçib".