Ukrayna ordusunun Ryazana zərbələri nəticəsində 4 nəfər ölüb, 28 nəfər yaralanıb - YENİLƏNİB

Rusiyanın Ryazan vilayətində Ukrayna Silahlı Qüvvələrinin hücumu nəticəsində yaralananların sayı 28-ə çatıb.

"Report" xəbər verir ki, bu barədə Rusiya KİV-ləri regional Səhiyyə Nazirliyinin mətbuat xidmətinə istinadən məlumat yayıb.

"Hazırda bizdə 28 yaralı və 4 ölən var", - məlumatda qeyd edilib.

12:38

Rusiyanın Ryazan vilayətində Ukrayna Silahlı Qüvvələrinin hücumu nəticəsində biri uşaq olmaqla, 4 nəfər həlak olub.

"Report" xəbər verir ki, bu barədə Rusiya mediası ölkənin İstintaq Komitəsinin mətbuat xidmətinə istinadən məlumat yayıb.

Bundan başqa, azı 12 nəfər xəsarət alıb.

Ukrayna Silahlı Qüvvələrinin hücumu nəticəsində iki yaşayış binası və sənaye obyektləri zədələnib.