Ukrayna ordusu Donetskdə ilk yaşayış məntəqəsini azad edib - YENİLƏNİB

Rusiya Ukrayna Silahlı Qüvvələrinin Donetsk istiqamətində hücuma başladığını təsdiqləyib.

“Report” xəbər verir ki, bu barədə Rusiya Müdafiə Nazirliyindən bildirilib.

Qeyd olunub ki, Donetskin Spornoye qəsəbəsində Ukrayna ordusunun 2 hücumunun qarşısı alınıb.

15:35

Ukrayna Silahlı Qüvvələri Rusiyanın işğalı altındakı Donetsk vilayətində ilk yaşayış məntəqəsini azad edib.

“Report” xəbər verir ki, bu barədə Ukrayna müdafiə nazirinin müavini Anna Malyar teleqramda yazıb.

O bildirib ki, Volnovaxa rayonunda yerləşən Rivnopol kəndi artıq Ukrayna ordusunun nəzarəti altındadır.

Qeyd edək ki, ötən gün Ukrayna Silahlı Qüvvələri Donetsk vilayətində əks-hücum əməliyyatına başladığını elan edib.

Xatırladaq ki, Rusiya Donetski 2014-cü ildə ilhaq edib və orada qondarma respublika yaradılıb.