Ukrayna kəşfiyyatının rəhbəri: “Rusiya 10 ildən sonra qisas almaq istəyə bilər”

“Rusiya 10 ildən sonra qisas almaq istəyə bilər”.

“Report” UNIAN-a istinadən xəbər verir ki, bunu Ukrayna Müdafiə Nazirliyinin Baş Kəşfiyyat İdarəsinin rəhbəri Kirilo Budanov deyib.

Onun sözlərinə görə, müharibə yekunlaşsa belə 10 ildən sonra yenidən başlaya bilər. K.Budanov belə bir ehtimalın olduğunu söyləyib:

"Rusiyanı hərbi cəhətdən bərpa etmək üçün 10 il lazımdır. Bundan sonra isə Rusiya qisas almaq istəyəcək”.

Xatırladaq ki, Rusiya ilə Ukrayna arasında genişmiqyaslı müharibə ötən il fevralın 24-də başlayıb. Ukrayna bu ilin iyunundan əks-hücum əməliyyatları keçirir.