Ukrayna Gürcüstanla bərə reyslərinin bərpasını təxirə salıb

Ukrayna Gürcüstanla bərə reyslərinin bərpasını təxirə salıb.

"Report"un Gürcüstan bürosu xəbər verir ki, bu barədə "Reuters" məlumat yayıb.

Məlumata görə, Batumi ilə Çernomorsk arasında iyulun 9-na planlaşdırılan ilk səfər iyulun 24-nə təxirə salınıb. Bərə marşrutu Krımdan yan keçir. İlk reys iyulun 12-də Gürcüstana çatmalı idi.

Vaxtın dəyişdirilməsinin səbəbləri açıqlanmayıb.

Qeyd edilib ki, Gürcüstanla əlaqələrin bərpası Kiyevə Qafqaz və Mərkəzi Asiya bazarlarına çıxış əldə etməyə imkan verəcək.