Ukrayna DSX: Rusiya bütün qoşunlarını Belarus ərazisindən çıxarıb

"Rusiya, demək olar ki, bütün qoşunlarını Belarus ərazisindən çıxarıb".

“Report” “RBK-Ukraina”ya istinadən xəbər verir ki, bu barədə Ukrayna Dövlət Sərhəd Xidmətinin (DSX) sözçüsü Andrey Demçenko bildirib.

Onun sözlərinə görə, Ukrayna və Belarus sərhədində vəziyyət tam nəzarət altındadır: “Hazırda düşmənin şimaldan ikinci hücumu üçün qruplaşması yoxdur.

Buna baxmayaraq, biz vəziyyətin istənilən inkişafına hazır olmalıyıq, çünki Belarus, təəssüf ki, Ukraynaya qarşı açdığı müharibədə Rusiyaya dəstəyini davam etdirir”.

A.Demçenko əlavə edib ki, Rusiya Belarusdan poliqon kimi istifadə edir.