Türkmənistan XİN: "Türk dövlətləri liderlərinin Zirvə görüşü bizim üçün dönüş nöqtəsi oldu"

“İstanbulda keçirilən Türk Dövlətləri Təşkilatının liderlərinin Zirvə görüşü bizim üçün dönüş nöqtəsi oldu”.

“Report” “Anadolu”ya istinadən xəbər verir ki, bunu Türkmənistanın xarici işlər nazirinin müavini Vepa Hacıyev keçirdiyi mətbuat konfransında deyib.

O, Türkmənistanın müşahidəçi kimi təşkilata üzv olmasının əhəmiyyətini vurğulayıb: “İqtisadi, ticarət, ekologiya, elm və digər sahələrdə birgə işləməyimiz üçün geniş fürsətlər yarandı”.