Türkmənistan Prezidenti TDT-nin Baş katibi ilə enerji məsələsini müzakirə edib

Türkmənistan Prezidenti Sərdar Berdiməhəmmədov Türk Dövlətləri Təşkilatının Baş katibi Kubanıçbek Ömüraliyevi qəbul edib.

“Report” xəbər verir ki, bu barədə Təşkilatın başçısı tviterdə bildirib.

“Prezident cənab Sərdar Berdiməhəmmədov tərəfindən qəbul edildim. Energetika, nəqliyyat, rabitə və ticarət sahələrindəki fürsətləri diqqətə alaraq Təşkilat bünyəsindəki əməkdaşlıq işlərini dəyərləndirdiyimiz məhsuldar iclas oldu. Nəzakətli qəbuluna görə təşəkkürümü bildirirəm”, - K. Ömüraliyev sosial şəbəkədə qeyd edib.