Türkiyənin hakim partiyasının qurultayının tarixi açıqlanıb

Türkiyənin hakim Ədalət və İnkişaf Partiyasının (AKP) növbəti qurultayının bu il martın 24-də keçirilməsi planlaşdırılır.

“Report” “Ahaber”ə istinadən xəbər verir ki, qurultayda partiyanın mərkəzi oranlarına seçkilər keçiriləcək.

Məlumata görə, Türkiyə Prezidenti, partiyanın sədri Rəcəb Tayyib Ərdoğan Anakar idman zalında keçiriləcək qurultayda Cümhuriyyətin 100-cü ildönümü ilə bağlı AKP-nin manifestini açıqlayacaq.

Qeyd edək ki, qurultayın həmin tarixə təyin edilməsi təsadüfi deyil. Rəcəb Tayyib Ərdoğanı 1999-cu il martın 24-də Pınarhisar həbsxanasına salıblar.