Türkiyənin Ətraf Mühit və Şəhərsalma Nazirliyinin adı dəyişdiriləcək

Türkiyənin Ətraf Mühit və Şəhərsalma Nazirliyi yeni - Ətraf Mühit, Şəhərsalma və İqlim Dəyişikliyi məsələləri üzrə Nazirlik adını alacaq.

“Report” “Anadolu”ya istinadən xəbər verir ki, bu barədə respublika Prezidenti Rəcəb Tayyib Ərdoğan keçirdiyi mətbuat konfransında bildirib.

Onun sözlərinə görə, müvafiq qərar oktyabrın 6-da Paris İqlim Sazişinin parlament tərəfindən təsdiqindən sonra qəbul olunub.

Qeyd edək ki, Türkiyə Böyük Millət Məclisi Paris İqlim Sazişinin təsdiqlənməsi haqqında qanun layihəsini qəbul edib. Layihə səsvermənin nəticələrinə əsasən qəbul olunub.