Türkiyənin daxili işlər nazirinə parlamentdə hücum olub, hakim partiya bunu barbarlıq adlandırıb

Bu gün Türkiyə Böyük Millət Məclisində (TBMM) ölkənin daxili işlər naziri Ali Yerlikayaya hücum edilib.

“Report” xəbər verir ki, bu barədə Türkiyə KİV-i məlumat yayıb.

Bildirilib ki, Cümhuriyyət Xalq Partiyasının (CHP) millət vəkilləri onun zala daxil olmasına mane olmağa çalışıblar. Nazirə qarşı hücumlar zalda da davam edib. Mühafizəçilər onu izdihamın içərisindən çıxarıblar.

Məlumata görə, millət vəkilləri nazirin son qəyyum təyinatlarına etiraz ediblər.

Hadisəyə münasibət bildirən hakim Ədalət və İnkişaf Partiyasının (AK Parti) sözçüsü Ömer Çelik bunu qəbuledilməz adlandırıb.

O, özünün “X” hesabında yazıb ki, kimsə nazirləri və millət vəkillərini susdura bilməz: “Barbarlıqla siyasi mübarizə məsələsində təcrübəliyik. Bu mübarizəni konkret formada davam etdirəcəyik. Barbarlıq layiqli siyasi və hüquqi cavabını alacaq. CHP bu hücumla bağlı lazımi tədbirlər görməlidir”.

Ali Yerlikaya ve Ali Mahir Başarır itişti: 'Sen kimi ittiriyorsun?'

İçişleri Bakanlığı Bütçe görüşmelerinde kavga çıktı. Bakan Ali Yerlikaya, CHP'li vekillerin 'kayyum' tepkisiyle karşılaştı. Bakan Yerlikaya ve CHP'li Ali Mahir Başarır göğüs göğüse itişti.

— Cumhuriyet (@cumhuriyetgzt) November 20, 2024